chhattisgarh ल मिले हे एक ठीन अउ राष्ट्रीय पुरस्कार, बिलासपुर जिला प्रशासन के वेबसाइट ल काली नई दिल्ली म मिलही राष्ट्रीय प्लेटिनम अवार्ड
जय जोहार । (chhattisgarh) बिलासपुर जिला प्रशासन डहार ले करे गई नवाचार ल राष्ट्रीय स्तर म सराहे गेहे । राष्ट्रपति श्रीमती द्रौपदी मुर्मू ह 7 जनवरी के नई दिल्ली के विज्ञान भवन म आयोजित कार्यक्रम म जिला प्रशासन बिलासपुर के वेबसाइट ल राष्ट्रीय प्लेटिनम अवार्ड ले सम्मानित करही । भारत सरकार के इलेक्ट्रॉनिक्स अउ सूचना प्रौद्योगिकी विभाग डहार ले जिला प्रशासन के वेबसाइट ल राष्ट्रीय प्लैटिनम अवार्ड बर चुने गेहे । जिला कलेक्टर सौरभकुमार ह राष्ट्रपति के हाथ ये पुरस्कार ल ग्रहण करही ।
ए अवसर म एनआईसी बिलासपुर के डीआईओ अरविंद यादव अउ सहायक डीआईओ मनोज कुमार सिंह घलो शमिल होही। ((chhattisgarh) ) मुख्यमंत्री भूपेश बघेल ह ए उपलब्धि बर जिला प्रशासन बिलासपुर के टीम ल बधाई दीन हे । उल्लेखनीय हे कि ये प्रतिष्ठित अवार्ड ल अलग-अलग श्रेणी म पहिला स्थान म रहवइया शासकीय वेबसाइट ल प्रदान करे जात हे । बिलासपुर जिला प्रशासन के वेबसाइट ल बेस्ट वेब एंड मोबाइल इनिशिएटिव कांम्पलांइथ विथ जीआइजीडब्ल्यू एंड एससीबिलिटी गाइडलाइन के श्रेणी के अंतर्गत ये पुरस्कार दे गेहे । केंद्र सरकार के फ्लैगशिप योजना डिजिटल इंडिया के क्रियान्वयन म बिलासपुर जिला के वेबसाइट ह नवाचार करे हे ।
एनआईसी (राष्ट्रीय सूचना विज्ञान केंद्र) डहार ले तइयार वेबसाइट म केंद्र अउ राज्य शासन के योजना के जानकारी ल अपलोड करे के संग ही दिव्यांग बर घलो एमा विशेष सुविधा दे गेहे ।
