chhattisgarh :बायोफ्यूल के क्षेत्र म उल्लेखनीय काम बर छत्तीसगढ़ ल मिले हे इंडिया ग्रीन एनर्जी अवार्ड, सीएम ह दीन हे बधाई

जय जोहार…. (chhattisgarh) बायोफ्यूल के क्षेत्र म करे जावत उल्लेखनीय काम बर छत्तीसगढ़ ल इंडियन फेडरेशन ऑफ ग्रीन एनर्जी डहार ले ‘इंडिया ग्रीन एनर्जी अवार्ड‘ ले नवाजा गेहे। ए अवार्ड बायोफ्यूल के आऊटस्टैंडिंग रिन्यूएबल एनर्जी जनरेशन प्रोजेक्ट केटेगरी म छत्तीसगढ़ ल प्रदान करे गेहे।

नई दिल्ली म बुधवार के आयोजित कारीकरम म केन्द्रीय सड़क अउ परिवहन मंत्री नितिन गडकरी, केन्द्रीय नवीन अउ नवीकरणीय ऊर्जा राज्य मंत्री भगवंत खूबा ह छत्तीसगढ़ (chhattisgarh) बायोफ्यूल डेव्हलपमेंट अथार्टी (सीबीडीए) रईपुर के मुख्यकार्यपालन अधिकारी सुमीत सरकार ल इंडिया ग्रीन एनर्जी अवार्ड प्रसस्ति पत्र अउ स्मृति चिन्ह ल प्रदान करीन।

मुख्यमंत्री भूपेश बघेल ह छत्तीसगढ़ (chhattisgarh) बायोफ्यूल डेव्हलपमेंट अथार्टी ल पुरस्कार प्राप्त करे म ओमन ल बधाई अउ सुभकामना दीन हे । कारीकरम के मुख्य अतिथि श्री गडकरी ह कृषि उत्पाद ले बायोफ्यूल उत्पादन के क्षेत्र म करे जात काम के सराहना करीन अउ भविष्य म बायोफ्यूल के महत्व ल बतात हुए किहीन कि वर्तमान परिस्थिति ल देखत हुए अन्यदाता ल ऊर्जा दाता बनना जरूरी हे।