जय जोहार…. (Chhattisgarh) प्रदेश के त्रिस्तरीय पंचायतीराज संस्था के तरफ ले स्थानीय स्वशासन म आईसीटी के बेहतर उपयोग बर छत्तीसगड़ ल राष्ट्रीय ई पंचायत पुरस्कार म दूसर स्थान मिले हे। केद्रीय पंचायती राज मंत्रालय के तरफ ले सबो राज्य के पंचायत म आईसीटी अउ ई एप्लीकेशन के प्रभावी मूल्यांकन कर बेहतर प्रदर्शन करइया राज्य ल ई पंचायत पुरस्कार प्रदान करे जात हे।
तीन अलग-अलग वर्ग दे जवइया ए पुरस्कार म छत्तीसगढ़ (Chhattisgarh) ल पहला वर्ग म असम के संग संयुक्त रूप ले दूसर पुरस्कार मिले हे। भारत सरकार के तरफ ले पचायत के कार्य म पारदर्शिता, दक्षता अउ जवाबदेही बर आईसीटी के उपयोग ल बढ़ावा दे बर हरेक बच्छर ई पंचायत पुरस्कार प्रदान करे जात हे।
ए उपलब्धि बर प्रदेश (Chhattisgarh) के पंचायत अउ ग्रामीण विकास मंत्री टीएस सिंहदेव ह सबो पंचायत प्रतिनिधि अउ विभागीय अधिकारी-कर्मचारी ल बधाई दे हे। वो हा कहिन कि सूचना अउ संचार के नवा तकनीक अउ ई एप्लीकेशन ह सरकार अउ पंचायत के बीच सूचना के प्रवाह ल आसान अउ तेज बनाये हे। अलग-अलग शासकीय योजना अउ कार्यक्रम के प्रभावी क्रियान्वयन म घलो ये बड़ अकन मददगार हे।
No Comment! Be the first one.