Chhattisgarh सरकार ह वन औषधि ले जुड़े उद्योग के स्थापना बर देही हरसंभव सहायता – भूपेश बघेल

जय जोहार…. (Chhattisgarh) छत्तीसगढ़ सरकार ह प्रदेस म वनौषधि ले जुड़े उद्योग के स्थापना बर हरसंभव सहायता उपलब्ध कराही। एखर बर कच्चा माल, जमीन, श्रम अउ जरूरी अधोसंरचना सरकार ह प्राथमिकता ले मुहैया कराही।

मुख्यमंत्री भूपेश बघेल ह आज इंडियन फॉर्मासिस्ट एसोशिएशन, छत्तीसगढ़ (Chhattisgarh) डहार ले राजधानी रईपुर के पंडित दीनदयाल उपाध्याय प्रेक्षागृह म विश्व फॉर्मासिस्ट दिवस के मउका म आयोजित कॉन्फ्रेंस ल संबोधित करत हुए किहीन कि छत्तीसगढ़ म वनौषधि प्रचुर मात्रा म हे। इहाँ के 44 प्रतिसत भू-भाग वन क्षेत्र है, जिहां आने आने प्रकार के वनौषधि मिलत हे । स्वास्थ्य मंत्री टी.एस. सिंहदेव अउ राज्यसभा सांसद श्रीमती छाया वर्मा अउ श्रीमती फूलोदेवी नेताम घलो कॉन्फ्रेंस म सामिल होइन हे।

कारीकरम म (Chhattisgarh) छत्तीसगढ़ हॉस्पिटल बोर्ड के अध्यक्ष डॉ. राकेश गुप्ता, इंडियन फॉर्मासिस्ट एसोशिएशन, छत्तीसगढ़ के अध्यक्ष डॉ. विनोद कुमार वर्मा, एसोशिएशन के पदाधिकारी राहुल वर्मा, वैभव शास्त्री अउ संदीप चन्द्राकर घलो मौजूद रिहीन।