Raipur : पीएम फसल बीमा योजना के उत्कृष्ट क्रियान्वयन बर छत्तीसगढ़ राष्ट्रीय स्तर म सम्मानित

जय जोहार। छत्तीसगढ़ म प्रधानमंत्री फसल बीमा योजना के बेहतर अउ सफल क्रियान्वयन बर भारत सरकार के कृषि अउ कृषक कल्याण विभाग डहार ले छत्तीसगढ़ ल उत्कृष्ट पुरस्कार ले सम्मानित करे गेहे । मुख्यमंत्री भूपेश बघेल अउ कृषि मंत्री रविन्द्र चौबे ह ए सम्मान बर कृषि विभाग के अधिकारी-कर्मचारी ल बधाई अउ सुभकामना दीन ।

भारत सरकार के कृषि अउ कृषक कल्याण विभाग डहार ले आज राजधानी रायपुर म आयोजित 9 वी राष्ट्रीय समीक्षात्मक कार्यशाला भारत सरकार के सचिव मनोज आहूजा ह छत्तीसगढ़ के कृषि उत्पादन आयुक्त डॉ. कमलप्रीत सिंह ल उत्कृष्ट पुरस्कार ले सम्मानित करत हुए प्रशस्ति पत्र सौंपीन । ए मउका म कृषि विभाग के विशेष सचिव डॉ. अय्याज एफ. तम्बोली, संचालक कृषि श्रीमती रानू साहू, संचालक उद्यानिकी विभाग व्ही. माथेश्वरण, अपर संचालक उद्यानिकी भूपेन्द्र पाण्डेय अउ संयुक्त संचालक कृषि बी.के मिश्रा घलो ओखर संग रिहीन ।

भारत सरकार के महत्वाकांक्षी योजना प्रधानमंत्री फसल बीमा योजना के छत्तीसगढ़ म राष्ट्रीय फसल बीमा पोर्टल के स्वचलित गणना अउ निपटान बर डिजीक्लेम मॉड्यूल के सफलतापूर्वक क्रियान्वयन करे गेहे । संगे संग पोर्टल दर्ज करे अउ बीमा के लाभ किसान तक पहुंचाए ल उल्लेखनीय सफलता हासिल करे हे । छत्तीसगढ़ म ए योजना के तहत बछर 2022-23 म 6 लाख 77 हजार 558 पात्र किसान ल फसल बीमा के लाभ दिलाए गेहे । किसान मन ल बीमा रासि के रूप म 192.41 करोड़ रुपिया के रासि दे गेहे ।