जय जोहार। छत्तीसगढ़ के ग्रामीण अंचल विसेसकर पहाड़ी अउ दुर्गम इलाका म स्वास्थ्य सुविधा तेजी ले पहुंचत हे। स्वास्थ्य विभाग के अमला हाट बाजार क्लीनिक के माध्यम ले बेहतर स्वास्थ्य सुविधा उपलब्ध करावत हे । राज्य के ग्रामीण अंचल म 1 लाख 50 हजार ले जादा हाट बाजार क्लीनिक के आयोजन करे गेहे। ए आयोजन म 84 लाख ले जादा मरीज ल सीधा फायदा मिले हे ।
स्वास्थ्य विभाग डहार ले हाट बाजार म आयोजित करे जावत क्लीनिक म मनखे मन के उपचार के संगेसंग मुफत दवाई अउ पैथोलाॅजी के सुविधा मिलत हे । ए योजना के अंतर्गत राज्य म 429 डेडिकेटेड ब्राडिंग वाहन अउ चिकित्सा दल के माध्यम ले दूरस्थ अंचल म मनखे मन के इलाज करे जावत हे ।
छत्तीसगढ़ सरकार के फ्लैगशिप योजना मुख्यमंत्री हाट बाजार क्लीनिक योजना ले बस्तर-सरगुजा समेत राज्य के अन्य पहुंचविहीन अउ दुर्गम इलाका म रहवइया मनखे मन ल काफी फायदा होवत हाई । जिहां एक डहार ए योजना ले महिला अउ लईका मन के पोसण म सतत् निगरानी होवत हे, त उहें दूसरइया डहार योजना ले बस्तर म मलेरिया उन्मूलन अभियान ल गति मिले हाई । ए इलाका म महिला अउ लईका मन म पोसण स्तर के जांच अउ कुपोसण के रोकथाम बर घलो ये योजना कारगर सिद्ध होवत हे ।
No Comment! Be the first one.