जय जोहार…. प्रति व्यक्ति हर रोज 55 लीटर शुद्ध पेयजल के उपलब्धता ल सुनिश्चित कर छत्तीसगढ़ ह देश के अग्रणी राज्य म शामिल हो गे हे।
छत्तीसगढ़ सरकार के तरफ ले गांव म पेयजल योजना बर दू हजार के आबादी के बंधन ल समाप्त कर कम आबादी वाले गांव म घलो पेयजल योजना ले जलापूर्ति के व्यवस्था ले ग्रामीण अंचल के लोगन मन ल सहजता ले पेयजल के उपलब्धता ह सुनिश्चित होय हे।
मुख्यमंत्री भूपेश बघेल के नेतृत्व अऊ लोक स्वास्थ्य यांत्रिकी मंत्री गुरु रुद्रकुमार के मार्गदर्शन म शहरी अऊ ग्रामीण क्षेत्र म लोगन मन ल स्वच्छ पेयजल उपलब्ध कराना ह राज्य सरकार के सर्वोच्च प्राथमिकता हे। भू जल स्रोत के संग वर्षा जल के संचयन अऊ भूजल संवर्धन के संग सतही जल स्रोत के उपयोग कर स्वच्छ पेयजल उपलब्ध कराय के नीति म राज्य सरकार ह कार्य करत हे।
राज्य सरकार के तरफ ले बीपीएल परिवार मन ल शुद्ध पेयजल उपलब्ध कराय बर वर्ष 2019 म मिनीमाता अमृत धारा योजना ल प्रारंभ करे गे हे। जेखर अंतर्गत बीपीएल परिवार मन ल मुफ्त नल कनेक्शन दे के प्रावधान करे गे हे।
छत्तीसगढ़ के ए महत्वाकांक्षी योजना ले अब तक 40 हजार 831 परिवार मन ल मुफ्त घरेलू नल कनेक्शन दे जा चुके हे। छत्तीसगढ़ म लगभग 20 हजार गांव हे। जल आवर्धन योजना के अंतर्गत तीन हजार गांव म पाइप लाइन ले पेयजल उपलब्ध कराय जावत हे।
