Raipur : विकास के रद्दा म जोरदरहा आगू बढ़त हे छत्तीसगढ़ – सीएम
जय जोहार…. सीएम भूपेश बघेल आज अपन निवास कार्यालय, रईपुर (Raipur) ले स्वतंत्रता संग्राम सेनानी डॉ. खूबचंद बघेल के जयंती समारोह म वर्चुअल माध्यम ले सामिल होइन हे। ए कारीकरम के आयोजन ल पुरातत्व अउ संस्कृति विभाग डहार ले महंत घासीदास स्मारक संग्रहालय के सभागार म करे गीस।
(Raipur ) ए अवसर म मुख्यमंत्री बघेल ह डॉ.खूबचंद बघेल के चित्र म माल्यार्पण कर नमन करीन अउ ओखर परिवार अउ स्वतंत्रता संग्राम सेनानी मन के उत्तराधिरी ल शॉल, श्रीफल अउ प्रतीक चिन्ह भेंट कर के ओखर सम्मान घलो करीन।
(Raipur ) ए अवसर म संस्कृति मंत्री अमरजीत भगत आयोजन स्थल ले वर्चुअल अउ छत्तीसगढ़ पाठ्य पुस्तक निगम के अध्यक्ष शैलेष नितिन त्रिवेदी, अपर मुख्य सचिव सुब्रत साहू, संस्कृति विभाग के सचिव अंबलगन पी., मुख्यमंत्री के सचिव सिद्धार्थ कोमल सिंह परदेशी अउ डॉ. खूबचंद बघेल के परिवार जन अउ स्वतंत्रता संग्राम सेनानी मन के उत्तराधिकारी ह मुख्यमंत्री निवास म उपस्थित रिहीन ।
