chhattisgarh फेर एक घांव राष्ट्रीय स्तर म सम्मानित, ’मोर मयारू गुरूजी’’ कार्यक्रम ल मिले हे राष्ट्रीय स्तर म स्कोच सिल्वर अवार्ड

जय जोहार । छत्तीसगढ़ (chhattisgarh ) राज्य बाल अधिकार संरक्षण आयोग के ’’मोर मयारू गुरूजी’’ कार्यक्रम ल राष्ट्रीय स्तर म स्कोच सिल्वर अवार्ड ले नवाजे गेहे । ये सम्मान ल इंडिया हैबिटेट सेन्टर नई दिल्ली म एक ठीन बड़का कार्यक्रम म स्कोच फाउण्डेशन ह प्रदान करीन । ए सम्मान ल महिला अउ बाल विकास मंत्री अनिला भेड़िया अउ आयोग के अध्यक्ष तेजकुंवर नेताम ह प्राप्त करीन । ए अवसर म आयोग के सचिव प्रतीक खरे, आयोग के सदस्य पूजा खनूजा उपस्थित रिहीन ।

सम्मान ल प्राप्त करे के बाद (chhattisgarh ) महिला अउ बाल विकास मंत्री अनिला भेड़िया ह किहीन कि लईका मन के मानसिकता ल देखके समझके सिक्षक ल ओखर ले व्यवहार करे के उद्देश्य ले ये कार्यक्रम आरंभ करे गेहे । ए सम्मान समारोह म छत्तीसगढ़ हाउसिंग बोर्ड अउ वन विभाग बालोद ल घलो अवार्ड प्राप्त होय म वोहा बधाई दीन । वोहा किहीन कि सरकार अक्सर आलोचना के शिकार होत हे, लेकिन जब राष्ट्रीय स्तर म सम्मान प्राप्त होत हे त काम करइया के हौसला बढ़ जात हे ।

उल्लेखनीय हे कि राष्ट्रीय स्कोच अवार्ड एक ठीन अत्यंत प्रतिष्ठित सम्मान हे, जेन 7 चरण के चरणबद्ध प्रक्रिया ल पार करे के बाद ही प्राप्त होत हे अउ एक श्रेणी म राष्ट्रीय स्तर म केवल 2 या 3 अवार्ड ही दे जात हे । ये अवार्ड ल महिला अउ बाल विकास के श्रेणी म बाल संरक्षण के क्षेत्र म ’’मोर मयारू गुरूजी’’ कार्यक्रम के नवाचार म दे गेहे ।