Godhan Nyay Yojana : सीएम ह आज हितग्राही मन ल 5 करोड़ 99 लाख रुपिया के करही भुगतान

जय जोहार । मुख्यमंत्री भूपेश बघेल ह आज मुख्यमंत्री निवास कार्यालय म गोधन न्याय योजना (Godhan Nyay Yojana ) के रासि अंतरण बर आयोजित वर्चुअल कार्यक्रम के माध्यम ले पशुपालक ग्रामीण, गौठान ले जुड़े महिला समूह अउ गौठान समिति ल 5 करोड़ 99 लाख रुपिया के रासि ऑनलाइन जारी करही, जेमा 1 दिसम्बर ले 15 दिसम्बर तक गौठान म पशुपालक ग्रामीण, किसान, भूमिहीन मन ले ख़रीदे 2.2 लाख क्विंटल गोबर के एवज म 4 करोड़ 41 लाख रुपिया, गौठान समिति ल 94 लाख अउ महिला समूह ल 64 लाख रुपिया के लाभांस रासि सामिल हे।

गोधन न्याय योजना (Godhan Nyay Yojana ) के तहत राज्य म हितग्राही मन ल 374 करोड़ 28 लाख रुपिया के भुगतान ल करे जा चुके हे, जेमा 18 करोड़ रुपिया के बोनस रासि घलो सामिल हे। 19 दिसम्बर के 5.99 करोड़ के भुगतान के बाद ये आंकड़ा 380 करोड़ 27 लाख रुपिया हो जाही। गोधन न्याय योजना के तहत छत्तीसगढ़ के गौठान म 2 रूपए किलो के दर ले गोबर के खरीदी करे जात हे ।

(Godhan Nyay Yojana ) गौठान म 15 दिसम्बर तक 94.23 लाख क्विंटल गोबर खरीदी के एवज म गोबर विक्रेता मन ल 188.45 करोड़ रुपिया के भुगतान घलो करे जा चुके हे । 19 दिसम्बर के गोबर विक्रेता मन ल 4.41 करोड़ रुपिया के भुगतान होने के बाद ये आंकड़ा बढ़के 192.96 करोड़ रुपिया हो जाही ।