Chhattisgarh Police ह जारी करिन अपन वॉट्सएप नंबर, लोगन मन ह कर सकही सिकायत

जय जोहार…. छत्तीसगढ़ पुलिस (Chhattisgarh Police) ह वॉट्सएप म घलो आज ले लेागन मन के सिकायत लेही। एखर बर पुलिस हेड क्वार्टर म समाधान सेल बनाय गे हे। वॉट्सएप म मिलइया सिकायत म कार्रवाई ए सेल के लोगन मन ह करही। लोगन मन के सिकायत म पारदर्शी तरीका ले काम हो सके, ए मकसद ले डीजीपी ह समाधान कार्यक्रम के सुरुआत करे हे।

(Chhattisgarh Police) लोगन मन ह अपन सिकायत ल वॉट्सएप नंबर 9479194900 म मैसेज करही। सिकायत भेजत ही ओ मन ल एकठन लिंक मिलही, जेमा क्लिक कर के सिकायत दर्ज करा सकही। लिंक म क्लिक करत ही सिकायत कर्ता ल अपन नाम, पता, मोबाइल नंबर, थाना म दर्ज अपराध के क्रमांक अऊ सिकायत लिखे ल होही। एखर बाद पुलिस मुख्यालय म मौजूद समाधान सेल ह ए म एक्शन लेही।

ए सिकायत के मानिटरिंग ल डीजीपी ह स्वयं करही। (Chhattisgarh Police) सिकायत के निराकरण होय म पीड़ित के मोबाइल म मैसेज घलो भेजे जाही। जिला म सिकायत के निराकरण बर नियुक्त नोडल अधिकारी ह जिम्मेवार होही।