Corona: देश म बीते 24 घंटा म सामने आय हे 11 हजार ले जादा नवा मरीज, पढ़व

जय जोहार…. (Corona) देश म पिछिले 24 घंटा म कोरोना के 11 हजार ले जादा नवा मरीज सामने आय हे। उहचे 11858 संक्रमित मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान 118 मरीज मन के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) 11424 नवा मामला मिले हे। एला मिला के कोरोना संक्रमित मन के संख्या ह 1 करोड़ 07 लाख 57 हजार 610 हो गे हे। जेमा ले 1 लाख 68 हजार 235 एक्टिव मामला हे।

(Corona) उहचे 1 करोड़ 04 लाख 34 हजार 983 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 1 लाख 54 हजार 392 लोगन मन के मौत हो गे हे।