chhattisgarh: अवइया बछर म छत्तीसगढ़ ह जैविक राज्य के रूप म होही विकसित – सीएम भूपेश बघेल
जय जोहार…. (chhattisgarh ) सीएम भूपेश बघेल ह गोधन न्याय योजना सुरु होय के एक ठिन बछर पूरा होय के अवसर म आयोजित कारिक्रम ल सम्बोधित करत हुये किहीन कि अवइया बछर म छत्तीसगढ़ ह जैविक राज्य के रूप म विकसित होही।
सीएम बघेल ह किहीन कि गोधन न्याय योजना ह गौपालक, किसान के संगेसंग गोबर बेचइया भूमिहीन मनखे मन के आय के एक ठिन नवा जरिया ल उपलब्ध कराय हे, बल्की ए योजना ले महिला स्व सहायता समूह मन के करीबन 80 हजार महिला घलो आत्मनिर्भरता के रद्दा म आगू बाढ़त हे।
प्रदेस म गोधन न्याय योजना के सुरुवात ल पिछिले बछर हरेली के तिहार के अवसर म 20 जुलाई ले प्रारंभ होय रिहीन। (chhattisgarh ) ए योजना के एक ठिन बछर पूरा होय म मुख्यमंत्री बघेल ह पशुपालक अउ प्रदेस वासी मन ल बधाई अउ सुभकामना दीन हे।
(chhattisgarh ) सीएम भूपेश बघेल ह कारीकरम म गोधन न्याय योजना के तहत गोबर संग्रहण, स्व-सहायता समूह, गौठान समिति ल लाभांस के रासि अउ प्रोत्साहन रासि के रूप म गौठान प्रबंधन समिति अउ स्वावलंबी गौठान ल 31 करोड़ 20 लाख रुपिया के रासि के अंतरण करीन।
