Chhollywood: छत्तीसगढ़ी फिलिम एक और लव स्टोरी ह अवइया 12 फरवरी के होही रिलीज, एखर गाना ल खूब पसंद करत हे दर्शक मन ह

जय जोहार…. (Chhollywood) अवइया फरवरी महिना के 12 तारिख के छत्तीसगढ़ी फिलिम एक और लव स्टोरी ह रिलीज होवइया हे। ए फिलिम म मन कुरैशी अऊ ट्विंकल ह अभिनय करे हे। ए फिलिम के संगीत ल दर्शक मन ह खूब पसंद करत ह।

ए फिलिम के खास बात ये हे कि (Chhollywood) एखर दू गाना पिया रे पिया रे अऊ ये गोरी ओ मिलियन व्यूज पार कर चुके हे। ए दुनो गाना म छत्तीसगढ़ के स्टार गायक अनुराग शर्मा अऊ अनुपमा मिश्रा ह अपन स्वर दे हे।

बता देन कि हाल ही म (Chhollywood) डायरेक्टर सतीश जैन के फिलिम हंस झन पगली पंस जबे ह जेन करामात दिखाइस। ओमा फिलिम के संगीत के बड़ अकन योगदान रिहिन। अइसे ही कुछु फिलिम आई लव यू के संग घलो होइस। छम छम बोले पां के पैरी गाना ह धूम मचा दे रिहिन। छत्तीसगढ़ी सिनेमा म एक अऊ लव स्टोरी जल्दी सिनेमा घर म प्रदर्शित होय के तैयारी म हे।