chhollywood : छत्तीसगढ़ी फिलीम मार डारे मया मा के ट्रेलर होगे रिलीज़, 3 बछर बाद अनुज शर्मा के सिनेमा घर म होइन वापसी, देखव वीडियो

जय जोहार। (chhollywood) गजेंद्र श्रीवास्तव प्रोडक्शनस् के फिलीम मार डारे माया म 8 अप्रैल के रिलीज होवइया हे | ए फिलीम के ट्रेलर ल 10 मार्च के आरुग म्यूजिक के यू ट्यूब चैनल म रिलीज करे गेहे। ए फिलीम ल मनीष मानिकपुरी निर्देशित करे हे।

फिलीम म पहला घांव हीरो के एंट्री ह हेलीकॉप्टर म होवत हे, जेला देखके लगत हे कि छत्तीसगढ़ी फिलीम घलो अब हॉलीवुड अउ बॉलीवुड म बनइया फिलीम के बराबर हे | मार डारे मया मा फिलीम के मुख्य कलाकार अनुज शर्मा अउ लिप्सा मिश्रा हे | सिनेमा घर म 3 बछर के बाद अनुज शर्मा एक घांव फेर बड़का बजट के फिलीम के संग वापसी करत हे।

फिलिम के कहानी अउ संगीत म छत्तीसगढ़ के माटी के खुशबू दिखाई देत हे | (chhollywood) फिलीम के ट्रेलर अउ संगीत ल सोसल मीडिया म काफी पसंद करे जावत हे। एखर गीत फुल हासन पहले ही सुपर हिट होगे हे। सुनील सोनी अउ नावलदास मानिकपुरी ह लोक धुन के संग ए फिलीम के सुमधुर अउ लोकप्रिय संगीत बनाय हे। ए फिलीम के गीतकार सुशील यदु, राकेश चौहान अउ नवलदास मानिकपुरी हे | फिलीम के कहानी ल सिद्धार्थ सिंग, पटकथा मनीष मानिकपुरी अउ संवाद गिरवारदास मानिकपुरी ह लिखे हे।

सिनेमाटोग्राफी करइया सिद्धार्थ सिंह के काम ल दर्शक मन ल बड़ अकन प्रभावित करत हे। पुष्पेंद्र सिंह, अंजली चौहान, सुनील तिवारी, पुरन किरी, क्रांति दीक्षित, ज्योत्सना, सतीश जैन, मनोज वर्मा, अमित शर्मा, राजेश पाण्ड्या, प्रदीप शर्मा ह ए फिलीम म महत्वपूर्ण भूमिका म दिखाई देही | छत्तीसगढ़ के सिनेमाघर अउ मल्टीप्लेक्स म ए फिलीम के प्रदर्शन 8 अप्रैल के करे जाही। छत्तीसगढ़ी फिलीम मार डारे मया मा के ट्रेलर ल लिंक https://youtu.be/5lOImriL630 म क्लिक कर के देखे जा सकत हे ।