छत्तीसगढ़ी संघर्ष समिति ह करिन मीडिया कर्मी कोरोना योद्धा मन के सम्मान, रायपुर प्रेस क्लब म होइस आयोजन

जय जोहार…. देश भर म कोरोना के संक्रमण ह सरलघा बाढ़त जात हे। छत्तीसगढ़ म घलो बड़ अकन कम दिन म कोरोना पाजिटिव के संख्या म बढ़ोतरी होय हे। रायपुर प्रेस क्लब म आज छ्त्तीसगढ़ी संघर्ष समिति ह रायपुर के मीडिया कर्मी मन के तिलक अऊ फूल बरसा के सम्मान करिन।

ए मऊका म समिति के राजकुमार राठी ह बताइस कि जिहां कोरोना के सेति पूरा देशवासी घर म हे। अइसे म हमर मन के मीडिया कर्मी ही हे, जेन ह मन ल पल-पल के खबर ले अवगत करात हे. लोकतंत्र के ये चौथे स्तम्भ मुश्किल के ए घड़ी म घलो अपन फर्ज निभावत हे। ए अवसर म समिति ह मास्क अऊ सेनेटाइजर के घलो वितरण करिन।