Chhollywood: छत्तीसगढ़ी गाना गुरतुर बोली के शूटिंग होय हे गोवा के हसीन वादी म, गायक विवेक शर्मा के हे स्वर, पढ़व

जय जोहार…. (Chhollywood) छत्तीसगढ़ी गाना गुरतुर बोली के शूटिंग ल गोवा के हसीन वादी म करे गे हे। ए गाना म मुख्य कलाकार खैरागढ़ संगीत विश्विद्यालय के जल्दी मेडलिस्ट प्रताप जंघेल अऊ बिलासपुर के काजल कौशिक हे। ए गाना म स्वर विवेक शर्मा के हे अऊ गीत ह वसलाम ईरानी के रचना हे। उहचे एखर कोरियोग्राफी कमलेश सोना, संपादन नीलेश गणवीर ह करे हे।

गाना के (Chhollywood) निर्माता अऊ निर्देशक दिग्विजय वर्मा ले बात करे म बताईस कि छत्तीसगढ़ी गाना के स्टार ह अब दिनोदिन बाढ़त जावत हे। वर्तमान म एक ले बढ़ के एक गाना के शूटिंग होवत हे। भोजपुरी गाना, ओड़िया गाना, पंजाबी गाना अऊ हिंदी गाना ह गोवा जइसे लोकेशन म शूट हो सकत हे, त छत्तीसगढ़ी गाना ह का नई हो सकथे। ए गाना के शूटिंग के दौरान गोवा टूरिज्म अऊ पुलिस ह हमर मनके बड़ अकन सहयोग करिन।

(Chhollywood) ए गाना के डांस डायरेक्टर सतीश साहू, सहायक कैमरा गौरव साहू अऊ सहयाक के रूप म दिमान सेन, यशवंत पटेल, जसवंत वर्मा अऊ होमेश साहू रिहिन। ये गाना ह क्रिएटिव विजन के यूट्यूब चेनल म 5 फरवरी के बिहनिया 7 बजे अपलोड होगी। वो हा बताईस कि ए गाना के शूटिंग ह चार दिन म होय हे, जेला गोवा के राजधानी पणजी, कोलवा बीच, बागा बीच अऊ ओल्ड चर्च जइसे सुंदर लोकेशन म ए गाना ल शूट करे गे हे।