Chhollywood: बेटी मन खातिर छत्तीसगढ़ी सोहर गीत झूलना म झूले जय जोहार चैनल म, चम्पेश्वर गोस्वामी ह लिखे हे गाना

जय जेाहार…. (Chhollywood) सुप्रसिद्ध गीतकार चम्पेश्वर गोस्वामी के लिखे बेटी मन बर सुग्घर सोहर गीत जय जोहार चैनल म खूब देखे अउ सुने जावत हे। ए गीत ल अपन स्वर दे हे गायिका चंपा निषाद ह अउ गीत ल संगीतबद्ध करे हे सुनील सोनी ह, गीतकार चम्पेश्वर गोस्वामी के बेटी मन खातिर लिखे सोहर गीत जय जोहार चैनल म अड़बड़ सुने जावत हे। अब तक ए गाना हजारों व्यूज ल पार कर चुके हे। ये लिंक https://youtu.be/cvQVRpMW4BA म क्लिक कर के ये नवा छत्तीसगढ़ी गाना झूलना म झूले ल सुने जा सकत हे।

(Chhollywood) कुछु दिन पहिली गीतकार चम्पेश्वर गोस्वामी के लिखे छत्तीसगढ़ी गीत ओ साहिबा प्रदर्शित होय रिहिन, जेला घलो दर्शन मन ह अब्बड़ पसंद करत हे, जेमा स्वर गौरव कुमार अऊ नेहा निहारिका के रिहिन उहें ए गीत म अभिजीत मजूमदार ह संगीत दे रिहिन।

जय जोहार चैनल ह अभी छत्तीसगढ़ के जम्मों कलाकार मन ल बड़ बढ़िया मंच देके बूता करत हें। नवा नवा गीत ल जय जोहार चैनल ह रिलीज़ करे बर तको तैयारी हे। (Chhollywood) अभी जय जोहार चैनल ले कई लोक प्रिय गीत आप जम्मों ल देखे अउ सुने बर मिलही। नवा अउ जुन्ना जम्मों कलाकार मन कोनों गीत ल जय जोहार म रिलीज़ करवाना चाहत होही तहू मन चैनल ले संपर्क कर सकत हें।