जय जोहार…. (Chhollywood) राजधानी रायपुर के मेक सभागार म 30 जनवरी के छालीवुड कलाकारों का रंगारंग जलसा छालीवुड स्टारडम सिने अवार्ड होही। जेमा साल 2019 अऊ 2020 के फिलिम ल सामिल करे गे हे। एकर संगेसंग 2 साल के सर्वश्रेष्ठ फिलिम अऊ अभिनेता-अभिनेत्री कोन होही, ये तय हो जाही।
(Chhollywood) फिलिम इंडस्ट्री एसोसिएशन के कोषाध्यक्ष केशर सोनकर ह बताईस कि कोरोना काल म स्थगित साल 2019 अऊ 2020 के फिलिम ल ए अवॉर्ड फंक्शन म सामिल करे गे हे। दुनो साल बर 30-30 केटेगरी म अवॉर्ड दे जाही। एखर आलावा लाइफटाइम अचीवमेंट अवॉर्ड, संगीत विभूति, माटी रत्न अऊ माटी पुत्र सम्मान घलो दे जाही।
वो हा बताईस कि पहिली बार दू लोक कलाकार ल लाककला रत्न अवॉर्ड ह मन दे बर जावत हन। ये सुरुआत हे। हरेक साल 2 लोक कलाकार ल हमन अवॉर्ड देबो। (Chhollywood) एखर आलावा दशक के सर्वश्रेष्ठ कलाकार ल सम्मान घलो दे ल जावत हन। एक्टर आफ द ईयर घलो हमन हर साल देवत हन। सिने अवॉर्ड म 7 परफार्म रखे गे हे, जेन हमर मन के छत्तीसगढ़ी फिलिम अऊ गाना म होही।
No Comment! Be the first one.