जय जोहार…. मुख्यमंत्री भूपेश बघेल ह प्रधानमंत्री नरेन्द्र मोदी ल पत्र लिखे हे।
ए पत्र म कोरोना वायरस संक्रमण के सती उत्पन्न विषम परिस्थिति म प्रधानमंत्री गरीब कल्याण अन्न योजना ल सितंबर 2020 तक बढ़ाय के अनुरोध करे हे।
सीएम बघेल ह राष्ट्रीय खाद्य सुरक्षा अधिनियम के आलावा राज्य के तरफ ले चिन्हांकित 14.10 लाख राशन कार्डधारी परिवार मन ल घलो योजना के अंतर्गत लाभान्वित करे के बात केहे हे।
सीएम बघेल ह पत्र म लिखे हे कि छत्तीसगढ़ म यूनिवर्सल पीडीएस के अंतर्गत राष्ट्रीय खाद्य सुरक्षा अधिनियम के तहत मान्य 51.50 लाख राशन कार्डधारी परिवार मन के आलावा राज्य के तरफ ले अपन योजना के माध्यम ले घलो अतिरिक्त 14.10 लाख राशन कार्डधारी परिवार मन ल खाद्यान्न सुरक्षा ल उपलब्ध कराय जावत हे।
लॉकडाउन ल धीरे-धीरे अऊ सावधानीपूर्वक खोलत हुए आर्थिक गतिविधि ल पुन: प्रारंभ करे जावत हे, लेकिन स्थिति ह सामान्य होय म अभी काफी समय लगना संभावित हे।
