CM Bhupesh Baghel ह प्रदेस वासी मन ल दुर्गाष्टमी अउ महानवमी के दीन बधाई

जय जोहार। सीएम भूपेश बघेल (CM Bhupesh Baghel) ह प्रदेस वासी मन ल दुर्गाष्टमी अउ महानवमी के बधाई अउ सुभकामना दीन हे । सीएम श्री बघेल ह नवरात्रि के पावन अवसर म मां दुर्गा ले प्रदेस वासी मन के सुख, समृद्धि अउ खुसहाली के प्रार्थना करे हे ।

मुख्यमंत्री ह किहीन है कि सक्ति उपासना के पर्व नवरात्रि के अवसर म पूरा देस म नौ दिन तक देवी के नौ रूप के भक्ति भाव ले पूजा अर्चना करे जात हे । एमा अष्टमी अउ महानवमी विसेस महत्व रखत हे । ए अवसर म घर, मंदिर म कन्या भोज कराए जावत हे । सक्ति स्वरूपा देवी हमर मन के घर म कन्या के रूप म आत हे । सीएम श्री बघेल ह किहीन है कि हर बेटी ह देवी स्वरूपा हे , एखर सेती नवरात्रि के नौ दिन ही नई बल्कि हमेसा बेटी अउ महिलाके प्रति सम्मान अउ सुरक्षा के भाव बनाए रखे। एखर ले हमन ह सच्चा अर्थ म देवी उपासना ल सार्थक कर सकत हन ।