chhattisgarh : सीएम भूपेश बघेल ह दीन हे भानुप्रतापपुर के मनखे मन ल 39.75 करोड़ रुपिया के 106 विकास काम के सौगात
जय जोहार। (chhattisgarh ) भानुप्रतापपुर प्रवास के दउरान मुख्यमंत्री भूपेश बघेल ह 39.75 करोड़ रुपिया के 106 ठीन विकास काम के भूमिपूजन अउ लोकार्पण करीन । एमा 30.10 करोड़ रुपिया के 101 ठीन विकास काम के भूमिपूजन अउ 9.64 करोड़ रुपिया के 5 ठीन विकास काम के लोकार्पण सामिल हे ।
(chhattisgarh ) सीएम श्री बघेल ह लोक स्वास्थ्य यांत्रिकी विभाग के 13.64 करोड़ रुपिया के 20 ठीन विकास काम, जल संसाधन विभाग के 4.83 करोड़ रुपिया के 2 ठीन विकास काम, समग्र शिक्षा अंतर्गत शाला भवन निर्माण बर 21.85 लाख रुपिया , लोक निर्माण विभाग के 4.22 करोड़ रुपिया के 2 ठीन विकास काम, जिला खनिज संसथान न्यास निधी डहार ले 6.93 करोड़ लागत के 76 ठीन विकास काम के भूमिपूजन करीन । वो हा जल संसाधन विभाग के 3.46 करोड़ के लागत के 2 ठीन विकास काम, 5.71 करोड़ लागत ले बने लोक निर्माण विभाग के 2 ठीन विकास काम अउ सीएससी दुर्गूकोंदल म 46.95 लाख लागत ले बने ऑपरेशन कक्ष का लोकार्पण घलो करीन।
स्थानीय जनजातीय संस्कृति-सभ्यता के संरक्षण अउ अवइया पीढ़ी ल संस्कृति के गौरव ल बढ़ाय बार भानुप्रतापपुर विधानसभा म 1.91 करोड़ लागत से ले बनाय जावत 23 गोटूल अउ स्थानीय कलाकार मन के कला ल मंच प्रदान करे बर 1.30 करोड़ ले लागत ले 26 ठीन रंगमंच के निर्माण करे जात हे । एखर आलावा 2.79 करोड़ के लागत ले 14 गांव म खाद्य सुरक्षा सुनिश्चित करे के उद्देश्य ले खाद्य गोदाम के निर्माण ल कराय जाही ।
