chhattisgarh : सीएम भूपेश बघेल ह दीन हे प्रदेस के खिलाड़ी अउ खेल प्रेमी ल बड़का सौगात, रईपुर अउ बिलासपुर म नवा खेल सुविधा के करीन लोकार्पण अउ भूमिपूजन

जय जोहार…. (chhattisgarh) मुख्यमंत्री भूपेश बघेल ह आज प्रदेस के खिलाड़ी अउ खेल प्रेमी ल बड़का सौगात दीन हे। मुख्यमंत्री बघेल ह अपन निवास कार्यालय म आयोजित वर्चुअल कारीकरम ले बिलासपुर अउ रईपुर म लगभग 42 करोड़ 14 लाख रुपिया के लागत ले नवा खेल सुविधा के लोकार्पण अउ भूमिपूजन करीन।

(chhattisgarh) एमा मुख्य रूप ले फुटबाल, कबड्डी, तींरदाजी अउ एथलेटिक्स के अकादमी, दो खेल छात्रावास, एक तींरदाजी प्रसिक्षण उपकेन्द्र अउ एथलेटिक्स बर सिंथेटिक ट्रैक एण्ड फील्ड सामिल हे। कारीकरम म वर्चुअल रूप ले खेल अउ युवा कल्याण मंत्री उमेश पटेल सामिल होइन हे।

ए मउका म मुख्यमंत्री निवास म गृह मंत्री ताम्रध्वज साहू, कृषि मंत्री रविन्द्र चौबे, स्कूल शिक्षा मंत्री डॉ. प्रेमसाय सिंह टेकाम, खाद्य मंत्री अमरजीत भगत, मुख्यमंत्री के अपर मुख्य सचिव सुब्रह साहू, मुख्यमंत्री के सचिव सिद्धार्थ कोमल सिंह परदेसी, खेल सचिव एन.एन.एक्का, संचालक श्वेता श्रीवास्तव सिन्हा, रईपुर अउ बिलासपुर के कारीकरम स्थल ले संसदीय सचिव विकास उपाध्याय, (chhattisgarh) छ. ग. राज्य गृह निर्माण मंडल के अध्यक्ष कुलदीप जुनेजा उपस्थित रिहीन।