CM Bhupesh Baghel ह नव संवत्सर, चैत्र नवरात्रि अउ गुड़ी पड़वा के दीन सुभकामना

जय जोहार। सीएम भूपेश बघेल (CM Bhupesh Baghel) ह प्रदेस वासी मन ल चैत्र नवरात्रि, नव संवत्सर अउ गुड़ी पड़वा के हार्दिक बधाई अउ सुभकामना दीन हे । ए अवसर म सीएम ह सबो नागरिक बर सुख-समृद्धि अउ खुसहाली के कामना करे हे ।

सीएम ह किहीन कि चैत्र माह के पहिला दिन ले हिन्दू नववर्ष अउ नवा संवत्सर सुरु होत हे। ए दिन ले नौ दिन तक चलइया शक्ति आराधना के तिहार नवरात्रि के घलो सुभारंभ होत हे । महाराष्ट्र म ए दिन गुड़ी पड़वा के तिहार मनाए जाही । मुख्यमंत्री ह किहीन कि छत्तीसगढ़ म मां शीतला, दंतेश्वरी, महामाया, बम्लेश्वरी, कंकाली, गंगा मैया, बिलईमाता, चंद्रहासिनी देवी अउ अन्य स्वरूप म मां भगवती विराजमान हे ।

चैत्र नवरात्रि के अवसर म छत्तीसगढ़ म मनखे भक्ति-भाव अउ उत्साह के संग नौ दिन तक देवी आराधना के तिहार मनात हे ।