CM Bhupesh Baghel ह कांकेर जिला ल दीन 95 ठन विकास काम के सौगात, पढ़व
जय जोहार। सीएम भूपेश बघेल (CM Bhupesh Baghel) ह आज कांकेर जिला के नरहरपुर विकासखण्ड के ग्राम करप म आयोजित कोसरिया मरार (पटेल) समाज के महासम्मेलन अउ शपथ ग्रहण समारोह के मउका न कांकेर जिला के विकास बर 143 करोड़ 92 लाख रुपिया के 95 ठन विकास काम के सौगात दीन। मुख्यमंत्री डहार ले 110 करोड़ 15 लाख रुपिया के 76 ठन विकास काम के भूमिपूजन अउ 33 करोड़ 77 लाख रुपिया के 19 ठन काम के लोकार्पण करे गीन ।
सीएम भूपेश बघेल (CM Bhupesh Baghel) ह 76 ठन विकास काम के भूमिपूजन करे हे , जेमा नरहरपुर विकासखण्ड के ग्राम पंचायत साल्हेभाट-सारण्डा मार्ग के 1/4 किलोमीटर म कंक नाला म उच्च स्तरीय सेतुमय पहुंच मार्ग निर्माण काम 5 करोड़ 89 लाख रुपिया , मावलीपारा-मांडाभर्री-बांगाबारी मार्ग के 4/2 किलोमीटर म कुकरेल नदी म उच्च स्तरीय पुल निर्माण 7 करोड़ 19 लाख रुपिया, ग्राम कुम्हानखार-झुलनातेन्दु मार्ग म 1/2 अउ 2/4 किलोमीटर म कुकरेल नदी म उच्चस्तरीय पुल निर्माण काम 5 करोड़ 96 लाख रुपिया, लेण्डारा-ठेमा मार्ग म 1/6 किलोमीटर म जामपानी नाला अउ 2/10 किलोमीटर म बंजारा नाला म उच्च स्तरीय पुल निर्माण काम लागत 05 करोड़ 38 लाख रुपिया आदि काम सामिल हे।
कार्यक्रम म सीएम भूपेश बघेल (CM Bhupesh Baghel) डहार ले 33 करोड़ 77 लाख रुपिया के 19 ठन काम के लोकार्पण घलो करे गीन , जेमा जिला चिकित्सालय कांकेर म 11 करोड़ 54 लाख रुपिया के लागत ले स्थापित एम.आर.आई मशीन, कुम्हानखार ले झुलनातेन्दु मार्ग म 05 करोड़ 20 लाख 82 हजार रुपिया ले निर्मित 7.40 किलोमीटर लंबाई के सड़क, जामगांव ले डब्बीपानी मार्ग म 77 लाख रुपिया ले बनाए गे 2.41 किलोमीटर सड़क सहित अनेक काम सामिल हे ।
