जय जोहार । सीएम भूपेश बघेल (CM Bhupesh Baghel) ह आज अपन निवास कार्यालय म आयोजित वर्चुअल कार्यक्रम म छत्तीसगढ़ स्वामी विवेकानंद तकनीकी विश्वविद्यालय भिलाई के ई-लाईब्रेरी के उद्घाटन करीन । ई-लाईब्रेरी के माध्यम ले सरगुजा से बस्तर तक 33 ज़िला के फ़ार्मेसी, डिप्लोमा, इंजीनियरिंग अउ मैनेजमेंट संस्थान म अध्ययन करत 27,000 छात्र-छात्रा ल ओखर मोबाइल अउ लैपटॉप म ऑनलाईन किताब के सुविधा उपलब्ध हो सकही ।
सीएम भूपेश बघेल (CM Bhupesh Baghel) ह छत्तीसगढ़ स्वामी विवेकानंद तकनीकी विश्वविद्यालय के पूरा टीम ल विद्यार्थी के सुविधा बर करे गे ए अभिनव पहल बर बधाई अउ सुभकामना दीन। मुख्यमंत्री श्री बघेल ह ए अवसर म किहीन कि कोरोना महामारी के दउर म अध्ययन अध्यापन के काम काफी प्रभावित होए रिहीन । ओ दउर म विश्व के सामने अध्ययन अध्यापन के काम कराना एक ठीन चुनौती रिहीन । अइसे बेरा म ऑनलाइन कक्षा के संचालन त सुरू होइन, लेकिन विद्यार्थी ल किताब उपलब्ध नई हो पात रिहीन , काबर कि सबो सैक्षणिक संस्थान तब बंद रिहीन ।
वोहा ह किहीन कि भविष्य म ए कठिनाई के पुनर्रावृत्ति नई हो, ए दिसा म छत्तीसगढ़ स्वामी विवेकानंद तकनीकी विश्वविद्यालय भिलाई ह ई-लाईब्रेरी के जरिए एक ठीन प्रभावी कदम उठाए हे । ई-लाईब्रेरी ले 7 बछर तक ये किताब विद्यार्थी के मोबाइल अउ लैपटॉप म उपलब्ध रही । ए अवसर पर कृषि मंत्री रविन्द्र चौबे, योजना, आर्थिक अउ सांख्यिकी मंत्री अमरजीत भगत, उच्च शिक्षा मंत्री उमेश पटेल, मुख्यमंत्री के सलाहकार प्रदीप शर्मा, मुख्य सचिव अमिताभ जैन, अपर मुख्य सचिव, मुख्यमंत्री एवं पंचायत एवं ग्रामीण विकास विभाग सुब्रत साहू, छत्तीसगढ़ स्वामी विवेकानंद तकनीकी विश्वविद्यालय भिलाई के कुलपति डॉ. एम.के. वर्मा, सहायक अध्यापक विवेक मिश्रा अउ आर.जे. ब्रिजेश उपस्थित रिहीन ।
No Comment! Be the first one.