CM Bhupesh Baghel ह ’छत्तीसगढ़ एसडीजी डिस्ट्रिक्ट प्रोग्रेस रिपोर्ट’ अउ ऑनलाईन मॉनिटरिंग टूल ’एसडीजी डैशबोर्ड’ के करीन विमोचन

जय जोहार। सीएम भूपेेश बघेल (CM Bhupesh Baghel) ह सतत् विकास लक्ष्य (SDG) के जिला स्तर तक स्थानीयकरण (Localization) अउ सतत् प्रभावी मॉनिटरिंग के सुनिश्चितता बर छत्तीसगढ़ राज्य योजना आयोग डहार ले तईयार करे गे ’’छत्तीसगढ़ एसडीजी डिस्ट्रिक्ट प्रोग्रेस रिपोर्ट’’ अउ ’’एसडीजी. डैशबोर्ड’’ के विमोचन ल आज अपन निवास कार्यालय म आयोजित वर्चुअल बइठक म करीन ।

ए अवसर म मुख्यमंत्री भूपेश बघेल ह किहीन कि छत्तीसगढ़ प्रदेस एस.डी.जी. लक्ष्य के बेराबद्ध प्राप्ति बर प्रतिबद्ध हे । ’’जनघोसना पत्र’’ के उद्देश्य म घलो एसडीजी लक्ष्य के अनुरूप ’अंत्योदय’ के संकल्प सम्मिलित हे । एसडीजी के सिद्धांत के अनुरूप ही सरकार अपन योजना ल अइसने क्रियान्वित करत हे , जेखर ले विकास के लाभ अंतिम छोर म बइठे व्यक्ति तक प्रभावी रूप ले पहुंच सके। एसडीजी के क्रियान्वयन बर राज्य सरकार के विभाग डहार ले प्रयास करे जावत हे ।

बइठक म कृषि मंत्री रविन्द्र चौबे, योजना, आर्थिक अउ सांख्यिकी मंत्री अमरजीत भगत, राज्य योजना आयोग के उपाध्यक्ष अजय सिंह, मुख्यमंत्री के सलाहकार प्रदीप शर्मा, मुख्य सचिव अमिताभ जैन, राज्य योजना आयोग के सदस्य डॉ. के. सुब्रमणियम, अपर मुख्य सचिव, मुख्यमंत्री सुब्रत साहू, योजना, आर्थिक अउ सांख्यिकी विभाग के सचिव हिमशिखर गुप्ता, राज्य योजना आयोग के सदस्य सचिव अनूप कुमार श्रीवास्तव, यूनिसेफ प्रमुख छत्तीसगढ़ जॉब जकारिया, राज्य योजना आयोग के संयुक्त संचालक डॉ. नीतू गौरडिया उपस्थित रिहीन ।