Raipur : मुख्यमंत्री भूपेश बघेल ह करीन राजनांदगांव म कृष्ण कुंज के लोकार्पण
जय जोहार । (Raipur) मुख्यमंत्री भूपेश बघेल ह आज राजनांदगांव विधानसभा क्षेत्र म भेंट मुलाकात कार्यक्रम के दउरान राजनांदगांव नगरीय निकाय म बनाए गे कृष्ण कुंज के लोकार्पण करीन अउ कपूर के पौधा घलो लगाइन । मुख्यमंत्री ह इंहा श्रीमती सूर्यमुखी देवी राजगामी संपदा न्यास राजनांदगांव डहार ले प्रदत्त खेल सामग्री, हॉकी स्टिक खिलाड़ी मन ल वितरित करीन । संगेसंग वो हा 5 महिला मन ल सिलाई मशीन घलो वितरित करीन ।
राज्य सासन डहार ले सांस्कृतिक विरासत ल सहेजे बर कृष्ण कुंज विकसित करे के पहल करे गेहे । पर्यावरण ल सहेजे, पेड़ ल बचाय अउ अवइया पीढ़ी ल पर्यावरण अउ पेड़ के महत्व के प्रति जागरूक करे के उद्देश्य ले कृष्ण कुंज स्थापित करे जात हे । कृष्ण कुंज नगरीय क्षेत्र म स्थापित करे जात हे , जिहां बरगद ,पीपल,कदम,आम,इमली ,बेर ,जामुन ,गंगा बेर, शहतूत ,चिरौंजी, नीम, गूलर,पलाश ,अमरुद ,सीताफल, बेल के पेड़ रोपण करे के काम योजना हे ।
