Raipur: मुख्यमंत्री भूपेश बघेल ह खरोरा म 3 करोड़ 91 लाख रुपिया के लागत के कॉलेज भवन के करीन लोकार्पण

जय जोहार। (Raipur) मुख्यमंत्री भूपेश बघेल ह आज रायपुर जिला के खरोरा म स्व.रामप्रसाद देवांगन शासकीय महाविद्यालय के नव-निर्मित भवन के लोकार्पण करीन हे । कॉलेज के ये नवा भवन ल तीन करोड़ 91 लाख रुपिया के लागत ले बनाये गेहे । मुख्यमंत्री ह कॉलेज परिसर म ही क्षेत्र के दानवीर दाऊ रामप्रसाद जी देवांगन के प्रतिमा के अनावरण घलो करीन । ए दउरान सीएम श्री बघेल ह जनसमुदाय ल संबोधित करीन अउ शासन के योजना के तहत हितग्राही मन ल सामग्री वितरित करीन ।

(Raipur) खरोरा म स्व.रामप्रसाद देवांगन शासकीय महाविद्यालय के नव-निर्मित भवन म लगभग चार सौ विद्यार्थी पढ़त हे । पहले खरोरा के विद्यार्थी मन ल कॉलेज के पढ़ाई बर रायपुर-पलारी-बिलासपुर जाना पड़त रिहीस । घर ले दूर रहे-खाय के संगेसंग दूसर असुविधा घलो विद्यार्थी मन ल होत रिहीस । अइसे म 2017 म खरोरा म शासकीय कॉलेज शुरू होए रिहीस।

(Raipur) 2100-2100 वर्गमीटर क्षेत्र म भू-तल अउ प्रहला तल म तैयार ए भवन म प्राचार्य कक्ष, उप प्राचार्य कक्ष, स्टाफ कक्ष, कार्यालय, सोलह क्लास रूम, पांच प्रयोगशाला कक्ष, लाइब्ररी कक्ष, कम्प्यूटर कक्ष, परीक्षा नियत्रंक कक्ष, कॉमन रूम समेत आठ स्टोर रूम घलो बनाये गेहे । ए महाविद्यालय म आर्टस, कामर्स अउ गणित विषय म विज्ञान संकाय के कक्षा संचालित होत हे ।