जय जोहार। सीएम भूपेश बघेल (CM Bhupesh Baghel) ह आज नवा रायपुर के सेक्टर- 24 म नव निर्मित सर्किट हाउस के लोकार्पण करीन। मुख्यमंत्री ह विधि विधान के संग पूजा अर्चना करत हुए फीता काटे हे अउ नव निर्मित सर्किट हाउस के निरीक्षण घलो करीन।
नव निर्मित सर्किट हाउस के निर्माण ल 2 एकड़ क्षेत्र म 24 करोड़ रुपिया के लागत ले होए हे। एमा भूतल के आलावा 7 मंजिल के निर्माण करे गेहे। नवा रायपुर म अतिथि के सुविधा बर लोक निर्माण विभाग डहार ले छत्तीसगढ़ सासन के महत्वपूर्ण भवन सर्किट हाऊस के निर्माण करे गेहे ।
एमा 22 ठीन वातानुकूलित कमरा, 6 ठीन सुईट रूम, 1 ठीन व्ही. व्ही.आई.पी. सुईट रुम , 01 ठीन बैंकेट हॉल (150 सीटर), 01 ठीन बोर्ड रूम (23 सीटर), 01 ठीन मीटिंग रूम (54 सीटर), कान्फ्रेंस हॉल (12 सीटर) अउ डाइनिंग हॉल (50 सीटर) निर्मित हे । सबो तल म टेरेस गार्डन निर्मित हे । ए मउका म मंत्री ताम्रध्वज साहू, मंत्री रविन्द्र चौबे, मंत्री कवासी लखमा समेत अन्य जनप्रतिनिधि अउ अधिकारी उपस्थित रिहीन ।
