जय जोहार। (chhattisgarh ) सीएम भूपेश बघेल के नेतृत्व म छत्तीसगढ़ म बीते चार बछर के भीतर स्वास्थ्य अउ पोसण सहित विभिन्न क्षेत्र म उल्लेखनीय काम करे गेहे । हाल म ही राज्य सरकार डहार ले स्कूली लईका मन ल मध्यान्ह भोजन म मिलेट्स के व्यंजन ल सामिल करे ल केंद्र सरकार डहार ले मंजूरी दे गेहे ।
लईका मन म कुपोसण दूर करे अउ किसोरी बालिका अउ महिला ल एनिमिया ले मुक्त करे बर मुख्यमंत्री सुपोसण अभियान ल अच्छा सफलता मिलत हे । ए अभियान के बाद लईका मन के कुपोसण म 48 फीसद के गिरावट आए हे।
छत्तीसगढ़ (chhattisgarh ) सरकार डहार ले स्वास्थ्य अउ पोसण के क्षेत्र म सरलग धियान दे जावत हे । सरकार के नवाचारी योजना मुख्यमंत्री हाट बाजार क्लिनिक, दाई-दीदी क्लिनिक, मुख्यमंत्री स्लम स्वास्थ्य योजना, हमर लैब, मलेरिया मुक्त बस्तर अउ मलेरिया मुक्त छत्तीसगढ़ योजना के संचालन करे जावत हे ।
एखर ले ग्रामीण अउ सहरी क्षेत्र म मनखे मन ल बेहतर स्वास्थ्य सुविधा मिलत हे। छत्तीसगढ़ म मनखे मन ल डॉ. खूबचंद बघेल स्वास्थ्य योजना म 5 लाख रुपिया तक के इलाज के सुविधा दे जावत हे । उंहे मुख्यमंत्री विसेस स्वास्थ्य योजना म 20 लाख रुपिया तक के इलाज के सुविधा मिलत हे ।
मुख्यमंत्री सुपोसण योजना सुरू होय के बेरा वजनतिहार के आंकड़ा के अनुसार प्रदेस म लगभग 4 लाख 33 हजार लईका मन कुपोसित रिहीन । (chhattisgarh ) राज्य म अब तक 2 लाख 65 हजार ले ज्यादा लईका कुपोसण मुक्त हो गेहे । अइसने कुपोसित लईका मन के संख्या म 48 फीसद के कमी आए हे । पिछले चार बछर के दउरान राज्य म कुपोसण के दर म 5.61 फ़ीसद ले कमी आए हे ।
राष्ट्रीय परिवार स्वास्थ्य सर्वेक्षण-5 के अनुसार राज्य म कुपोसण के फीसद 31.3 हे , जेन कुपोसण के राष्ट्रीय औसत 32.1 फीसद ले कम हे । अब तक डेढ़ लाख महिला मन ह एनीमिया ले मुक्त हो चुके हे। ए योजना के तहत एनीमिया प्रभावित ल आयरन, फोलिक एसिड, कृमि नाशक गोली दे जावत हे ।
Other Articles
No Comment! Be the first one.