Raipur : मुख्यमंत्री भूपेश बघेल ह करीन स्मार्ट रीडिंग रूम के भूमिपूजन

जय जोहार । (Raipur) मुख्यमंत्री भूपेश बघेल ह आज स्मार्ट सिटी मिशन के अंतर्गत मोतीबाग म प्रस्तावित “स्मार्ट रीडिंग रूम” के भूमिपूजन करीन । लगभग 6.50 करोड़ रुपिया के लागत ले बनइया ए रीडिंग रूम म ग्राउंड के संग दो मंजिला भवन तैयार होही , जेमा 600 ले जादा विद्यार्थी मन ह एक संग अध्ययन कर सकही ।

भूमिपूजन कार्यक्रम के अध्यक्षता ल नगरीय प्रशासन मंत्री डॉ. शिव कुमार डहरिया ह करीन । विशिष्ट अतिथि के तौर म छ.ग. गृह निर्माण मंडल के अध्यक्ष कुलदीप जुनेजा, (Raipur) महापौर एजाज़ ढेबर, विधायक सत्यनारायण शर्मा, छ.ग. योग आयोग के अध्यक्ष ज्ञानेश शर्मा, नगर निगम सभापति प्रमोद दुबे मौजूद रिहीन ।

रायपुर (Raipur) स्मार्ट सिटी लिमिटेड डहार ले विद्यार्थी मन ल शहर के भीतर अध्ययन के सुविधा उपलब्ध कराय ल ए स्मार्ट रीडिंग रूम के निर्माण करे जात हे । ए भवन म वाई-फाई, लेन समेत लगभग 600 मनखे मन के बइठक व्यवस्था होही , जेमा विद्यार्थी ह अध्ययन कर सकही । दिव्यांग विद्यार्थी मन ल आधारतल म स्थान सुलभ कराय जात हे अउ सबो तल म प्रसाधन के सुविधा उपलब्ध होही ।