Raipur : बोरे-बासी तिहार म सीएम भूपेश बघेल ह श्रमिक मन के संग लीन बोरे-बासी के स्वाद
जय जोहार । प्रदेस के समृद्ध परंपरा अउ विरासत के सरलग प्रसार अउ एला जन जन तक पहुंचाए बर छत्तीसगढ़ के मुख्यमंत्री भूपेश बघेल कोती ले आज मजदूर दिवस के अवसर म मेहनत कश, कर्मठ मजदूर के सम्मान दिवस म बोरे बासी खाए के अपील करीन ।
बोरे-बासी तिहार म मुख्यमंत्री भूपेश बघेल ह श्रमिक मन के संग बोरे-बासी के स्वाद लीन । अथान, चटनी, भाजी, बड़ी-बिजौरी अउ गोंदली के संग बोरे-बासी तिहार म सामूहिक भोज होइन ।
छत्तीसगढ़ के सीएम भूपेश बघेल ह बोरे अउ बासी के बिसेसता ल ट्ववीट करत हुए बताइन कि एला गर्मी के दिन म खाए ले शरीर ठंडा रहत हे अउ पाचन सक्ति मजबूत होत हे । सीएम बघेल ह मनखे मन ले आग्रह करीन कि हम सबो मजूदर दिवस के दिन यानी आज बोरे अउ बासी ल खाए अउ अपन संस्कृति अउ विरासत म गर्व महसूस करे।
