जय जोहर । सीएम भूपेश बघेल (CM Bhupesh Baghel) ह 28 अप्रैल के कुरूद विधानसभा म भेंट-मुलाकात करही । ए मउका म सीएम ह ग्राम सेमरा बी. स्थित भेंट-मुलाकात स्थल म 82 करोड़ 39 लाख 05 हजार रुपिया के 65 निर्माण काम के लोकार्पण अउ सिलान्यास करही ।
एमा 45 करोड़ 27 लाख 15 हजार रुपिया के 31 ठन काम के लोकार्पण अउ 37 करोड़ 11 लाख 90 हजार रुपिया के 34 ठन काम के सिलान्यास के सौगात देही । मुख्यमंत्री ह ए दउरान ग्राम अंचलपुर के गौठान अउ रीपा के निरीक्षण करही । इंहा सीएम ह गोबर पेंट उद्योग देखही , स्व-सहायता समूह के सदस्य ले चर्चा करही ।
उद्यानिकी विभाग के 9.40 लाख रुपिया के लागत के दो काम के लोकार्पण करे जाही । एमा कुरूद के शासकीय उद्यान रोपणी गाड़ाडीह म चार लाख रुपिया के लागत के कर्मचारी आवास निर्माण अउ 5.40 लाख रुपिया के लागत के वर्किंग शेड निर्माण सामिल हे । ग्रामीण यांत्रिकी सेवा संभाग धमतरी के 106.12 लाख रुपिया के लागत के दो काम के लोकार्पण करे जाही। एमा गातापार स्थित दुग्ध प्रोसेसिंग इकाई बर 35 लाख रुपिया के लागत ले शेड निर्माण अउ भखारा म 71.12 लाख रुपिया के लागत के नवीन तहसील कार्यालय भवन निर्माण सम्मिलित हे ।
