जय जोहार। सीएम भूपेश बघेल (CM Bhupesh Baghel ) ह आज दंतेवाड़ा पहुंचके अरनपुर घटना म सहादत देवइया शहीद जवान के पार्थिव शरीर म पुष्पगुच्छ अर्पित कर श्रद्धांजलि दीन । मुख्यमंत्री ह शहीद जवान के पार्थिव शरीर ल कंधा दीन। वोहा शहीद जवान के परिजन ल घलो ढांढस बंधाइन ।
ए दऊरान गृहमंत्री ताम्रध्वज साहू, लोकसभा सांसद दीपक बैज, राज्यसभा सांसद फूलोदेवी नेताम, बीजापुर विधायक विक्रम मडांवी, दंतेवाड़ा विधायक देवती कर्मा, जिला पंचायत अध्यक्ष तूलिका कर्मा, डीजीपी अशोक जुनेजा, एडीजी नक्सल विवेकानंद सिन्हा, बस्तर कमिश्नर श्याम धावड़े, आईजी बस्तर सुंदरराज पी., कलेक्टर विनीत नन्दनवार, पुलिस अधीक्षक सिद्धार्थ तिवारी समेत अन्य जनप्रतिनिधि ह घलो शहीद ल श्रद्धांजलि अउ पार्थिव शरीर ल कंधा दीन । जिला प्रसासन दंतेवाड़ा डहार ले शहीद जवान के पार्थिव शरीर ल ओखर गृह ग्राम बर रवाना करे गीन ।
ग्राम अरनपुर म 26 अप्रैल के नक्सल घटना म शहीद जवान म जोगा सोढ़ी पोलमपल्ली सुकमा, दतेवाड़ा के मुन्ना कड़ती तुमनार दंतेवाड़ा, संतोष तामो भांसी दंतेवाड़ा, दुलगो मंडावी कटेकल्याण दंतेवाड़ा, लखमू राम मड़कामी भैरमगढ़ बीजापुर, जोगा कवासी कटेकल्याण दंतेवाड़ा, हरिराम कटेकल्याण दंतेवाड़ा, जयराम पोडियाम कटेकल्याण दंतेवाड़ा, जगदीश कुमार कोवासी कटेकल्याण दंतेवाड़ा, राजू राम करटम कटेकल्याण दंतेवाड़ा सामिल हे।
No Comment! Be the first one.