CM Bhupesh Baghel ह 7 अप्रैल के गंज मंडी दुर्ग म आम-जनता ले करही भेंट-मुलाकात
जय जोहार। सीएम भूपेश बघेल (CM Bhupesh Baghel) ह 7 अप्रैल के दुर्ग (शहर) म आयोजित कई ठन कार्यक्रम म सामिल होही । ए दउरान मुख्यमंत्री ह गंजमंडी दुर्ग म आम जनता ले भेंट-मुलाकात कर सासन के योजना के क्रियान्वयन के फीडबैक लेही।
जारी दउरा कार्यक्रम के अनुसार सीएम भूपेश बघेल रायपुर ले पूर्वान्ह 11.40 बजे हेलीकाप्टर ले प्रस्थान कर मंझनिया 12 बजे प्रथम बटालियन हेलीपेड भिलाई पहुंचही। उंहा ले दीपक नगर जाही । मुख्यमंत्री ह दीपक नगर म स्वामी आत्मानंद उत्कृष्ट अंग्रेजी माध्यम स्कूल के लोकार्पण अउ गंज पारा म सत्ती चौरा मंदिर म दर्शन करही ।
मुख्यमंत्री ह मंझनिया 12.40 बजे ले 1.55 बजे तक गंज मंडी दुर्ग म आम जनता ले भेंट-मुलाकात करही अउ ओखर समस्या के सुनवाई करे के संग ही सासकीय योजना अउ कार्यक्रम के क्रियान्वयन के बारे म फीडबैक लेही । मुख्यमंत्री ह एखर बाद सर्किट हाउस दुर्ग म संझा 5 बजे ले 6.30 बजे तक स्वयं सेवी समाज सेवी संगठन अउ विभिन्न समाज के प्रतिनिधि ले भेंट-मुलाकात करही ।
एखर बाद मुख्यमंत्री ह सर्किट हाउस दुर्ग म जिला स्तरीय अधिकारी के बइठक लेही। मुख्यमंत्री ह संझा 7 बजे मुख्यमंत्री निवास बर प्रस्थान करही ।
