CM Bhupesh Baghel ह दुर्ग म स्वामी आत्मानंद स्कूल के नवा भवन के करीन लोकार्पण

जय जोहार। सीएम भूपेश बघेल (CM Bhupesh Baghel) ह दुर्ग के दीपक नगर म स्वामी आत्मानंद शासकीय अंग्रेजी माध्यम स्कूल के नवा भवन के लोकार्पण करीन। ए नवा स्कूल भवन म स्मार्ट क्लास रुम, एक्टिविटी रुम, लाइब्रेरी अउ सुसज्जित लैब बनाए गेहे ।

ए भवन के लोकार्पण के बाद सीएम भूपेश बघेल ह स्कूल के लईका मन ले बातचीत करीन अउ एक्टिविटी रुम, लाइब्रेरी अउ स्मार्ट क्लास रुम के अवलोकन करीन ।

इंहा स्वामी आत्मानंद अंग्रेजी माध्यम स्कूल बर एक करोड़ 55 लाख रुपिया के लागत ले नवा स्मार्ट क्लास रुम, एक्टिविटी रुम, लाइब्रेरी अउ भौतिक शास्त्र, रसायन शास्त्र अउ जीव विज्ञान ले सुसज्जित लैब बनाए गेहे। स्कूल के पुराने भवन ल घलो रिनोवेट करे गेहे ।