CM Bhupesh Baghel ह आज जशपुर अउ अम्बिकापुर म खद्दी परब समारोह म होही सामिल

जय जोहार । सीएम भूपेश बघेल ह 6 अप्रैल के जशपुर, सरगुजा अउ राजधानी रायपुर म आयोजित कई ठन कार्यक्रम म सामिल होही । निर्धारित कार्यक्रम के अनुसार मुख्यमंत्री ह बिहनिया 11 बजे राजधानी रायपुर के पुलिस ग्राउण्ड हेलीपेड ले प्रस्थान कर मंझनिया 12.30 बजे जशपुर पहुंचही ।

मुख्यमंत्री ह मंझनिया 12.35 बजे सरना पूजा स्थल, दीपू बगीचा म आयोजित खद्दी परब धरती पूजा (सरहुल) समारोह म सामिल होही। ए कार्यक्रम के बाद सीएम ह उंहा ले हेलीकॉप्टर ले रवाना होके मंझनिया 2.25 बजे अम्बिकापुर के पी.जी. कॉलेज ग्राउण्ड पहुंचही, उंहा सरहुल पूजा कार्यक्रम म सामिल होही ।

एखर बाद मुख्यमंत्री ह अम्बिकापुर ले मंझनिया 3.50 बजे रायपुर बर रवाना होही । मुख्यमंत्री श्री बघेल ह राजधानी रायपुर के पंडित दीनदयाल ऑडिटोरियम म आयोजित ‘श्री हुनमान जन्मोत्सव’ कार्यक्रम म संझा 7.15 बजे सामिल होही ।