Chhattisgarh: सीएम भूपेश बघेल ह प्रधानमंत्री नरेंद्र मोदी ल लिखे हे पत्र, करिन ये मांग, पढ़व
जय जोहार…. (Chhattisgarh) सीएम भूपेश बघेल ह प्रधानमंत्री नरेंद्र मोदी ल पत्र लिखे हे। एमा सीएम बघेल ह सामाजिक अउ आर्थिक रूप ले कमजोर वर्ग ल टीकाकरण म सर्वोच्च प्राथमिकता दे के मांग करे हे।
सीएम बघेल ह पत्र म उल्लेख करे हे कि भारत सरकार के दिशा निर्देश के तहत 28 अप्रैल ले केाविन पोर्टल म कोविड के विरुद्ध वैक्सिनेशन बर इच्छुक 18 ले 44 बच्छर के उमर वर्ग के हितग्राही मन के पंजीयन सुरु हो चुके हे। (Chhattisgarh) ये जानकारी ह पोर्टल म राज्यवार उपलब्ध नई हे, लेकिन प्राप्त जानकारी के मुताबिक अब तक देश म ब ए उमर के लगभग 1.7 करोड़ मनखे मन ह केाविड पोर्टल म पंजीयन करवा ले हे।
भारत सरकार के दिशा निर्देश के अनुसार ए उमर के टीकाकरण बर वैक्सीन डोज के क्रय ल राज्य के तरफ ल करे जाना हे। राज्य सरकार के तरफ ले वैक्सीन के दुनो उत्पादक ले कोविशील्ड अउ कोवैक्सीन के 25-25 लाख डोज बर मांग प्रेसित करे गे हे। एमा ले एक उत्पादक भारत बायोटेक के ही उत्तर प्राप्त होये हे। जेखर अनुसार तीन लाख डोज मई महीना म राज्य ल प्राप्त हो जाही।
सीएम बघेल ह पत्र म उल्लेख करे हे कि अईसे परिस्थिति म वैक्सीन के कमी ल धियान म रखत हुये भारत सरकार के तरफ ले टीकाकरण बर ए उमर के वर्ग म प्राथमिकता के कोनो क्रम निर्धारित होना चाही। (Chhattisgarh) वर्तमान म पंजीयन के व्यवस्था सिरिफ आनलाइन उपलब्ध होय ले घलो सामाजिक अउ आर्थिक रूप ले कमजोर वर्ग के टीकाकरण ले वंचित रहे के संभावना ह बाढ़ जावत हे।
