chhattisgarh के शासकीय कर्मचारी मन के हित बर मुख्यमंत्री भूपेश बघेल ह प्रधानमंत्री नरेंद्र मोदी ल लिखे हे पत्र

जय जोहार । (chhattisgarh ) मुख्यमंत्री भूपेश बघेल ह प्रधानमंत्री नरेंद्र मोदी ल पत्र लिखे हे। एमा सीएम ह नवीन अंशदायी पेंशन योजना के तहत एनएसडीएल ल अंतरित 17 हजार 240 करोड़ रुपिया छत्तीसगढ़ सरकार ल वापस करे बर पेंशन निधि विनियामक अउ विकास प्राधिकरण ल निर्देशित करे के अनुरोध करे हे, ताकि शासकीय कर्मचारी अउ ओखर परिजन मन के सुरक्षित भविष्य बर पुरानी पेंशन योजना ल लागू करे बर राज्य शासन के निर्णय ल क्रियान्वयन करे जा सके।

मुख्यमंत्री श्री बघेल ह पत्र म लिखे है कि राज्य सरकार डहार ले एनपीएस ट्रस्ट अउ एनएसडीएल के संग करे अनुबंध म अइसे कोनो विशिष्ट प्रावधान नई हे, जेन राज्य शासन ल नवीन अंशदायी पेंशन योजना के संबंध म करे अनुबंध ले बाहर जाय अउ पुरानी पेंशन योजना के बहाली ले बाधित करत हो। (chhattisgarh ) वो हा लिखे हे कि संघीय ढांचा म ये राज्य सरकार के संप्रभु निर्णय है। शासकीय कर्मचारी अउ ओखर परिवार मन के भविष्य ल सुरक्षित करे बर राज्य के बजट घोसना अउ मंत्रिमंडल के निर्णय के अनुक्रम म निर्णय के क्रियान्वयन ले रोका जाना उचित नई हे ।

सीएम श्री बघेल ह लिखे हे कि राज्य सरकार करा उपलब्ध आकड़ा के अनुसार एनएसडीएल ल 1 नवम्बर, 2004 ले 31 मार्च 2022 तक कुल 11,850 करोड़ (कर्मचारी एवं नियोक्ता अंशदान) अंतरित करे गेहे। एनएसडीएल ले प्राप्त जानकारी के अनुसार वर्तमान म ए जमा राशि के बाजार मूल्य लगभग 17, 240 करोड़ रुपिया हे। राज्य सरकार डहार ले 20 मई 2022 को पत्र के माध्यम ले उपरोक्त सबो तथ्य ले पेंशन निधि विनियामक अउ विकास प्राधिकरण ल अवगत करात ए जमा राशि ल राज्य शासन ल वापस करे के अनुरोध करे गे रिहीस ।