मुख्यमंत्री भूपेश ह कहिन- रमन सिंह ह अधिकारी मन ले मांगे माफी, नेटफ्लिक्स म फिल्म देखे के आरोप लगाना गैर जिम्मेदाराना
जय जोहार…. छत्तीसगढ़ राज्य म अवइया श्रमिक मन के कष्ट के बारे म पूर्व मख्यमंत्री डॉ. रमन सिंह के बयान ल मुख्यमंत्री भूपेश बघेल ह तथ्यहीन अऊ क्षुद्र राजनीतिक स्वार्थ सिद्धि बर दिये गे बयान करार दे हे।
सीएम ह कहिन कि रमन सिंह यदि राज्य म अवइया अऊ राज्य ले गुजरइया श्रमिक मन ले प्रत्यक्ष म मिल के ओखर हाल-चाल ल जानतिस, त ओला पता चल जतिन कि छत्तीसगढ़ ह देश के एकमात्र राज्य हे, जिहां बाहर ले आवत सब्बो श्रमिक मन ल भोजन, पानी अऊ परिवहन के सुविधा ल उपलब्ध कराये जावत हे।
मुख्यमंत्री बघेल ह कहिन कि भाजपा शासित राज्य म रह रहे श्रमिक मन बर भोजन, पानी के कोनो व्यवस्था नई करे गिस, जेखर ले परेशान होके वे पैदल ही अपन गृह राज्य के ओर जाय बर विविश हो गिस। राज्य के सब्बो जनप्रतिनिधि, अधिकारी, कर्मचारी अऊ सामाजिक संगठन मन के तरफ ले विगत तीन माह ले दिन-रात अथक परिश्रम करे गे हे। जेखर सती आज राज्य ह कोरोना वायरस ले निपटे म सफल हो सके हे।
मुख्यमंत्री ह कहिन कि केंद्र सरकार के संगेसंग सब्बो देश आज छ्त्तीसगढ़ म कोरोना ले निपटे बर करे गे प्रयास के सराहना करत हे। राज्य के अधिकारी मन के घर बइठके नेटफ्लिक्स देखने के आरोप ह निहायत गैर जिम्मेदाराना हे। ये हमर मन के लाखों अधिकारी अऊ कर्मचारी मन के अपमान हे। जे मन ल कोरोना ले लड़े म योद्धा जइसन कार्य करे हे। वो हा कहिन कि रमन सिंह ल अपन कथन बर अधिकारी-कर्मचारी मन ले माफी मांगना चाही।
