मुख्यमंत्री ह बइला गाड़ी म चढ़के पहुंचिन साक्षरता तिराहा, मनईन हरेली तिहार  

रायपुर। मुख्यमंत्री निवास म आज छत्तीसगढ़ के पहिली तिहार हरेली ल धूमधाम ले मनईन हे। ये मौका म मुख्यमंत्री भूपेश बघेल ह मुख्यमंत्री निवास ले बइला गाड़ी म चढ़के साक्षरता तिराहा पहुंचिन, उहां गेड़ी घलोक चढ़ीस। ये दउरान उंखर संग गृहमंत्री ताम्रध्वज साहू, उद्योग मंत्री कवासी लखमा, विधायक सत्यनारायण शर्मा घलो मौजूद रिहिन।