chhattisgarh : मुख्यमंत्री ह प्रदेस वासी मन ल दीन हे धनतेरस के बधाई अउ सुभकामना

जय जोहार । (chhattisgarh) मुख्यमंत्री भूपेश बघेल ह प्रदेस वासी मन ल धनतेरस तिहार के बधाई अउ सुभकामना दीन हे । वो हा धनतेरस के पूर्व संझा म जारी अपन बधाई संदेस म किहीन कि धनतेरस ले देवारी तिहार के सुरुवात हो जात हे । ए दिन धन, समृद्धि अउ ऐश्वर्य बर धन के देवता कुबेर के संग भगवान धन्वंतरि के पूजा करे जात हे ।

सीएम श्री बघेल ह धनतेरस म प्रदेस वासी मन के जिनगी म सुख, समृद्धि के कामना करत हुए किहीन कि धनतेरस के तिहार सबो के जिनगी म खुसहाली अउ आरोग्य लेके आए। वोहा अपील करे हे कि ए देवारी हमर मन के कुम्हार, शिल्पकार जइसे हुनरमंद अउ महिला समूह, छोटे व्यवसायी ले दीया, सजावट के वस्तु अउ दूसर सामान ल खरीद के ओखर देवारी घलो खुसहाल बनाये।