CM Bhupesh Baghel ह करीन कई ठन घोसना, विधानसभा म 4 उपयुक्त स्थल म बनवाए जाही ओपन जिम
जय जोहार। भेंट – मुलाकात अभियान के तहत सीएम भूपेश बघेल (CM Bhupesh Baghel) ह आज बूढ़ा तालाब के तीर निगम खेल मैदान म रायपुर दक्षिण विधानसभा के मनखे मन ले मुलाकात करीन। ए दउरान सीएम ह कई ठन घोसना घलो करीन ।
सीएम के घोसना
0 अंतर्राज्यीय बस अड्डा म 3200 किलो लीटर के ओवरहेड टैंक अउ राइजिंग-डिस्ट्रीब्यूशन पाईप लाइन के निर्माण करवाए जाही।
0 अवइया सत्र ले माधवराव सप्रे शासकीय उत्कृष्ट हिंदी माध्यम विद्यालय बूढ़ापारा ल स्वामी आत्मानंद इंग्लिश मीडियम स्कूल बनाए जाही ।
0 वार्ड क्र.57 म फव्वारा चौक के तीर सर्व सुविधा युक्त लाइब्रेरी बनवाए जाही ।
0 महाराजबंद तलाब म पचरी निर्माण करवाए जाही ।
0 हिंदस्पोर्टिंग मैदान म पी.पी.पी. मोड ले स्पोर्ट्स कांप्लेक्स बनवाए जाही।
0 सरजूबाँधा नयातालाब शमशान घाट म बाउंड्रीवाल अउ अन्य आवश्यक सुविधा बर 1 करोड़ रुपिया प्रदाय करे जाही ।
0 बैरन बाजार पुरानी टंकी के तीर महिला अउ बाल उद्यान बनवाए जाही ।
0 विधानसभा म 4 उपयुक्त स्थल म ओपन जिम बनवाए जाही ।
0 आदिवासी पारा ले चिंगरी नाला तक नाला निर्माण करवाए जाही ।
0 सिविल लाईन वार्ड क्र. 47 म विकास काम बर 30 लाख रुपिया प्रदाय करे जाही ।
0 कवर्ड नाली के निर्माण बर 2 करोड़ रुपिया के घोसना ।
