Chief Minister Dai Didi Clinic: 1.27 लाख ले जादा महिला मन के होइन मुफ़त इलाज
जय जोहार । (Chief Minister Dai Didi Clinic) मुख्यमंत्री दाई दीदी मोबाइल क्लीनिक के माध्यम ले अब तक राज्य म करीबन 1709 कैम्प लगाए जा चुके हे । एमा रायपुर, बिलासपुर अउ भिलाई नगर निगम क्षेत्र के गरीब स्लम बस्ती म रहवइया एक लाख 27 हजार 558 महिला अउ लईका मन के ओखर घर के तीर ही दाई-क्लीनिक कैंप के माध्यम ले इलाज करे गेहे ।
गौरतलब हे कि छत्तीसगढ़ सासन के नगरीय प्रसासन अउ विकास विभाग डहार ले मुख्यमंत्री दाई-दीदी क्लिनिक (Chief Minister Dai Didi Clinic) योजना ल संचालित करे जात हे । ए योजना के तहत दाई-दीदी क्लिनिक के मोबाइल मेडिकल यूनिट के वाहन म महिला चिकित्सक अउ स्टॉफ के टीम ह पहुंचत हे अउ जरूरतमंद महिला अउ लईका मन के विभिन्न बीमारी के मुफत इलाज करत हे ।
ए मोबाइल मेडिकल यूनिट डहार ले 22 हजार 831 महिला मन के लैब टेस्ट करे गेहे अउ एक लाख 22 हजार 169 महिला मुफ़त दवाई दे गीन। एखर ले गरीब स्लम क्षेत्र म रहवइया मेहनत मजदूरी करइया अइसे महिला जेन कई ठीन सेती ले अपन इलाज नई करा पात रिहीन , ओमन ल इलाज के सुविधा घर के तीर ही महिला चिकित्सक अउ चिकित्सा स्टॉफ के माध्यम ले मिल पात हे ।
