जय जोहार। (chhattisgarh) मुख्यमंत्री भूपेश बघेल ह आज राजधानी के निवास कार्यालय म आयोजित कारीकरम म जिला मुख्यालय कोरिया म 44 करोड़ रुपिया के लागत ले बनइया नवा जिला अस्पताल अउ मातृ- शिशु अस्पताल के वर्चुअल भूमिपूजन करीन । कारीकरम के अध्यक्षता ल छत्तीसगढ़ विधानसभा के अध्यक्ष डॉ.चरणदास महंत ह करीन । एमा 35 करोड़ रुपिया के लागत ले 200 बिस्तर नवा जिला अस्पताल अउ 9 करोड़ रुपिया के लागत ले 50 बिस्तर के मातृ अउ शिशु अस्पताल के निर्माण होही ।
मुख्यमंत्री श्री बघेल ह किहीन कि छत्तीसगढ़ ((chhattisgarh)) म बीते तीन बछर म स्वास्थ्य सुविधा ल आम मनखे मन के निकट पहुंचाय अउ इलाज ल किफायती बनाय के दिशा म सरलग काम करे हे । ए कड़ी म आज कोरिया के जिला ल स्वास्थ्य के क्षेत्र म दो ठीन महत्वपूर्ण सौगात मिले हे। एखर ले प्रदेश के दूरस्थ अउ वनांचल के मनखे सहित कोरिया के जिलेवासी मन ल अत्याधुनिक अउ सर्वसुविधायुक्त स्वास्थ्य सुविधा के जादा ले जादा लाभ मिलही । ए अवसर म गृह मंत्री अउ कोरिया जिला के प्रभारी मंत्री ताम्रध्वज साहू, सरगुजा विकास प्राधिकरण के उपाध्यक्ष गुलाब कमरो, विधायक यू.डी.मिंज समेत विभागीय अधिकारी उपस्थित रिहीन ।
कारीकरम ल विधानसभा अध्यक्ष डॉ.चरणदास महंत, गृह मंत्री ताम्रध्वज साहू, स्वास्थ्य मंत्री टी.एस.सिंहदेव, सांसद ज्योत्सना महंत, गुलाब कमरो, डॉ.प्रीतम राम अउ संसदीय सचिव अम्बिका सिंहदेव ह घलो सम्बोधित करीन अउ कोरिया जिला ल स्वास्थ्य के क्षेत्र में मिले सौगात बर आभार जताइन । कारीकरम म आयुक्त स्वास्थ्य डॉ.सी.आर.प्रसन्ना, प्रबंध संचालक सी.जी.एम.एस.सी. अभिजीत सिंह शामिल होइन हे ।
No Comment! Be the first one.