जय जोहार । (chhattisgarh) मुख्यमंत्री भूपेश बघेल ह आज रईपुर म अपन निवास कार्यालय म आयोजित वर्चुअल कारीकरम म बिलासपुर म 120 करोड़ रुपिया के लागत ले बनइया ‘राज्य कैंसर संस्थान‘ के भूमि-पूजन करीन। ए अवसर म मुख्यमंत्री ह किहीन कि राज्य कैंसर संस्थान ह कैंसर के इलाज बर आवश्यक उपकरणों ले लैस होही अउ अवइया एक ठीन बछर म एखर निर्माण ल पूरा कर ले जाही। वो हा किहीन कि छत्तीसगढ़ समेत आसपास के कैंसर मरीज मन ल ए संस्थान के माध्यम ले कैंसर के इलाज के अच्छा सुविधा मिलही ।
बिलासपुर म निर्मित होवइया राज्य कैंसर संस्थान म सबो प्रकार के कैंसर के इलाज के सुविधा एक ठीन छत के नीचे उपलब्ध होही । संस्थान म 100 बिस्तर के कैंसर वार्ड अउ 20 बिस्तर के अत्याधुनिक आईसीयू वार्ड के सुविधा उपलब्ध होही । स्वास्थ्य मंत्री टी.एस. सिंहदेव ह किहीन कि राज्य कैंसर संस्थान बर (chhattisgarh) मुख्यमंत्री भूपेश बघेल ह 34.19 करोड़ रुपिया के स्वीकृति प्रदान कर देहे । ए संस्थान बर केन्द्रांस के रासि 51.84 करोड़ रुपिया प्राप्त हो गेहे । ए संस्थान के निर्माण के काम जल्दीच प्रारंभ होही ।
राजस्व मंत्री जयसिंह अग्रवाल, (chhattisgarh) संसदीय सचिव डॉ. श्रीमती रश्मि आशीष सिंह, सांसद अरूण साव, विधायक कृष्णमूर्ति बांधी, जिला पंचायत अध्यक्ष बिलासपुर अरूण सिंह चौहान घलो कारीकरम म वर्चुअल रूप ले जुड़े रिहीन । मुख्यमंत्री निवास म विधायक शैलेष पांडेय, राज्य नागरिक आपूर्ति निगम के अध्यक्ष रामगोपाल अग्रवाल, प्रमुख सचिव स्वास्थ्य डॉ.मनिंदर कौर द्विवेदी, संचालक चिकित्सा शिक्षा डॉ. विष्णु दत्त घलो उपस्थित रिहीन ।
No Comment! Be the first one.