chhattisgarh : सीएम ह करीन सुरगी म गोधन न्याय योजना के हितग्राही मन ले चर्चा, पढ़व
जय जोहार । (chhattisgarh) सीएम भूपेश बघेल ह आज भेंट-मुलाकात के तहत राजनांदगांव के ग्राम सुरगी पहुँचीन। ए दउरान वोहा गोधन न्याय योजना के हितग्राही मन ले चर्चा करीन। ए बीच सोनिया साहू ह बताइन कि हरेक हफ्ता गोबर बेचत हों, पैसा ह एक संग राजीव गांधी किसान न्याय योजना के संग आत हे ।
संस्कार सहायता समूह के महिला मन ह बताइन कि 3 लाख रुपिया कमा चुके हंन , सबो बांट ले हंन। मेहा ए रासि ले जनरल स्टोर खोल ले हों। हमन मशरूम के उत्पादन करना चाहत हंन। मुख्यमंत्री ह किहीन कि बिल्कुल एखर व्यवस्था ल कराही ।
राजीव गांधी भूमिहीन कृषि मजदूर न्याय योजना से लाभान्वित हितग्राही ओंकार प्रसाद बघेल ह बताइन कि योजना के लाभ मिले ल बड़का राहत मिले हे । नियमित क़िस्त मिलत हे । मुख्यमंत्री ह किहीन कि एखर लाभ केवल ओमन ल मिलही , जेखर तीर जमीन नई हे । सेवाराम भोले ह किहीन कि दू क़िस्त मिले हे , हास्य ले सेवाराम ह मुख्यमंत्री ले किहीन -मोर नाव ल याद रखहु सेवा राम बनभोले।
मुख्यमंत्री ह शीतला माता मंदिर म करीन पूजा-अर्चना
मुख्यमंत्री भूपेश बघेल ह आज भेंट-मुलाकात कार्यक्रम बर राजनांदगांव विधानसभा क्षेत्र के ग्राम पंचायत सुरगी पहुंचीन । मुख्यमंत्री श्री बघेल ह इंहा माता शीतला मंदिर म पूजा कर प्रदेस वासी मन के सुख-समृद्धि अउ ख़ुसहाली के कामना करीन ।
छत्तीसगढ़ म शीतला माता के विशेष महत्व अउ आस्था हे । गांव म कोनो शुभ अउ मंगल काम ल माता शीतला के पूजा कर करे जात हे ।
