जय जोहार । सीएम भूपेश बघेल (CM Bhupesh Baghel) ह आज अपन निवास कार्यालय ले मारवाड़ी युवा मंच शाखा रायपुर डहार ले संचालित कैंसर स्क्रीनिंग वैन ल हरी झंडी दिखाके रवाना करीन । मुख्यमंत्री ह मारवाड़ी युवा मंच रायपुर डहार ले करे जावत काम के सराहना करीन अउ किहीन कि स्क्रीनिंग वैन म जांच ले आर्थिक रूप ले कमजोर तबका ल मदद मिलही ।
ए अवसर म खाद्य मंत्री अमरजीत भगत, नगरीय प्रशासन मंत्री डॉ. शिवकुमार डहरिया, खनिज विकास निगम के अध्यक्ष गिरीश देवांगन मौजूद रिहीन । मारवाड़ी युवा मंच के अध्यक्ष सुधीर अग्रवाल ह बताइन कि रायपुर के टाउन हॉल म ए वैन के माध्यम ले 25 से 27 जनवरी तक आम नागरिक के कैंसर के प्रारंभिक जांच करे जाही। वोहा बताइन कि ए वैन म मौजूद एक्सरे, मेमोग्राफी, सीबीसी सहित अन्य मशीन ले कैंसर के जांच करे जाही । ए दउरान नरेश अग्रवाल, रविकांत शर्मा समेत मारवाड़ी युवा मंच के अन्य सदस्य मौजूद रिहीन ।
No Comment! Be the first one.