chhattisgarh : सीएम भूपेश बघेल ह प्रदेस के न्यायधानी बिलासपुर ल दीन हे 3 ठीन बड़का सौगात, पढ़व

जय जोहार। मुख्यमंत्री भूपेश बघेल ह आज (chhattisgarh) प्रदेस के न्यायधानी बिलासपुर ल 107.49 करोड़ रुपिया के लागत ले नवनिर्मित तिफरा फ्लाईओव्हर समेत व्यापार विहार स्मार्ट रोड अउ प्लेनेटोरियम के सौगात दीन हे ।

(chhattisgarh) सीएम श्री बघेल ह बिलासपुर के लाल बहादुर शास्त्री मैदान म आयोजित कारीकरम म बिलासपुर सहर अउ बिलासपुर जिला बर लगभग 353 करोड़ 56 लाख रुपिया के लागत के 97 ठीन विकास काम के भूमिपूजन अउ लोकार्पण करीन। मुख्यमंत्री ह ए काम म ले 277 करोड़ 31 लाख रुपिया के लागत के 62 ठीन काम के लोकार्पण अउ 76 करोड़ 25 लाख रुपिया के लागत के 35 ठीन काम के भूमिपूजन करीन हे।

(chhattisgarh) मुख्यमंत्री श्री बघेल ह बिलासपुर म जेन प्रमुख काम के लोकार्पण करीन , ओमा 107 करोड़ 49 लाख रुपिया के लागत ले बिलासपुर-रायपुर रोड स्थित महाराणा प्रताप चौक म नवनिर्मित तिफरा फ्लाईओव्हर, 36 करोड़ 56 लाख रुपिया के लागत ले बिलासपुर विश्वविद्यालय म निर्मित अकादमी भवन, पहुँच मार्ग अउ बाउंड्रीवॉल, 28 करोड़ 48 लाख रुपिया के लागत ले तिफरा म पुलिस कर्मचारी मन बर निर्मित 264 आवास, 26 करोड़ 83 लाख रुपिया के लागत ले बिलासपुर स्मार्ट सिटी लिमिटेड डहार ले व्यापार विहार स्मार्ट रोड महाराणा प्रताप चौक ले तारबहार चौक तक निर्मित स्मार्ट रोड अउ 6 करोड़ 77 लाख रुपिया के लागत ले व्यापार विहार म निर्मित प्लेनेटोरियम सामिल हे ।